Një lider taleban ka njoftuar se muzika do të ndalohet në Afganistan dhe grave do t’u kërkohet të udhëtojnë me një udhëheqës mashkull.

Ai ka premtuar se talebanët do të jenë më liberal sesa ishin 20 vjet më parë, transmeton portal arbresh.info

Në një intervistë për NYT, zëdhënësi i talebanëve Zabihullah Mujahid tha se ndërsa gratë përfundimisht do të lejohen të kthehen në punë dhe të shkojnë në udhëtime në shkollë dhe spitale, megjithatë, ai ka theksuar se ato duhet të kenë një përcjellës mashkull për udhëtimet që zgjasin disa ditë.

Sa i përket muzikës, ajo do të ndalohet në vend.

“Muzika është e ndaluar në Islam, por ne shpresojmë se ne mund t’i bindim njerëzit të mos bëjnë gjëra të tilla, në vend që t’i bëjnë presion,” tha Mujahid.

“Ne duam të ndërtojmë të ardhmen dhe të harrojmë atë që ndodhi në të kaluarën,” tha ai, duke hedhur poshtë raportet se talebanët tashmë janë duke marrë hak ndaj atyre që i kundërshtuan dhe po përpiqen të rivendosin kufizimet e ashpra ndaj grave që i bënë të famshme kur filluan mori kontrollin në 1996.

Për NYT ai tha se shpreson që talebanët do të mund të ndërtojnë marrëdhënie të mira me bashkësinë ndërkombëtare, duke thënë se ata tashmë kanë bashkëpunuar me udhëheqësit ndërkombëtarë për çështje si antiterrorizmi, çrrënjosja e opiumit dhe reduktimi i refugjatëve në Perëndim.

Vërejtjet e Mujahid vijnë një ditë pasi ai njoftoi në një konferencë për shtyp se gratë duhet të qëndrojnë brenda ‘derisa të kemi një procedurë të re’ në vend, ndërsa edhe talebanët të mësohen që të mos ngacmojnë gratë.

Talebanët kanë marrë nën kontroll Afganistanin që nga tërheqja e trupave ushtarake amerikane, ndërsa një numër i madh afganësh vazhdojnë të qëndrojnë në aeroportin e Kabulit me shpresën për t’u larguar nga vendi./arbresh.info/